Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3449 daz lêrte si ir güete.
        diu vrouwe grôzen kumber leit,
        wan daz si ze liebe ir leit
        in ir herzen verkêrte,
        als si ir diemuot lêrte.
3454 swer ez rehte ahten wil,
        sô hæten dar an harte vil
        ze tuone vier knehte,
        solden si ze rehte
        aht ros vüeren und bewarn,
3459 dâ si eine muoste mite varn.
        wan daz vrou Sælde ir was bereit
        und daz diu gotes hövescheit
        ob mîner vrouwen swebete
        und dâ wider strebete
3464 daz ir dehein grôz ungemach
        von den rossen niene geschach,
        sô wære kumberlîch ir vart:
        des wart diu vrouwe wol bewart.
        ouch muosten durch einen selhen kneht
3469 diu ros gerne und durch reht
[ zurück ]